... your login credentials do not authorize you to access this content in the selected format. Access to this content in this format requires a current subscription or a prior purchase. Please select the WEB or READ option instead (if available). Or consider purchasing the publication.
Vísar OECD um vistvæna þróun eru skipulagðir með tilliti til þriggja meginmarkmiða:
að stuðla að hagkerfi með litla kolefnanotkun og hagkvæma nýtingu auðlinda; að viðhalda
náttúrlegum auðlindagrunni; að bæta almenn lífsgæði og innleiða viðeigandi stefnumótandi
aðgerðir og gera sér grein fyrir efnahagslegum tækifærum sem vistvæn þróun býður upp
á. Sex meginvísar eiga að koma á framfæri meginþáttum vistvænnar þróunar á raunsæjan
hátt: framleiðni á sviði kolefnanotkunar og hráefna, margþætt framleiðni sem er leiðrétt
vegna umhverfisþátta, stuðull fyrir náttúruauðlindir, breytingar í land‑ og jarðvegsnýtingu
og váhrif íbúa af völdum loftmengunar.
Helstu skilaboð
Við efnahags‑ og fjármálakreppuna dró allnokkuð úr þrýstingi á umhverfið. Eftir því
sem vöxtur hefur tekið við sér eykst þó þessi þrýstingur á mörgum sviðum og mun brátt
ná hærri mörkum en fyrir kreppuna, geri stjórnvöld ekki ráðstafanir til að efla viðeigandi
stefnumótun.
Aukið og stöðugt framtak þarf til að bæta hagkvæma notkun orku og náttúruauðlinda
til að snúa umhverfisspjöllum við, stuðla að verndun náttúrugæða og bæta lífsgæði.
Nauðsynlegt er að til komi samstillt átak yfirvalda á sviði fjármála, efnahags, iðnaðar
og landbúnaðar og annarra ráðuneyta með stefnur er hafa áhrif á umhverfið og sem geta
stuðlað að vistvænni þróun. Meginatriði er að byggja upp mannauð með þróun á sviði
menntunar og þjálfunar.
Er okkur að takast að nýta náttúruauðlindir okkar auka þjónustu á hagkvæmari hátt
með tilliti til umhverfisins?
Á síðastliðnu 20‑ára tímabili hefur framleiðni umhverfisáhrifa OECD hagkerfa með tilliti
til kolefnanotkunar, orku og hráefna en miklar sveiflur eru í þessari þróun milli
landa og atvinnugeira. Losun koltvísýrings og notkun jarðefnaeldsneytis hefur skilið
sig frá hagvexti og endurnýtanleg orka er sífellt stærri hluti af tilraunum til að
leita nýrra leiða og draga úr kolefnanotkun í orkubirgðum landa. Um þessar mundir
framleiða OECD‑ríki meiri efnahagsleg verðmæti á hverja einingu af auðlindum heldur
en árið 1990 og tilraunir til að endurvinna úrgang eru að skila árangri. Notkun næringarefna
í landbúnaði fer einnig batnandi og sífellt dregur úr umframbirgðum miðað við afköst.
Þessi þróun á sér rætur í samvirkan margra þátta: aðgerðum í stefnumótun, efnahagslægð
vegna kreppunnar; aukningu í þjónustugeiranum, útvistun auðlinda‑ og orkufrekrar framleiðslu
og aukin velta í viðskiptum.
Á mörgum sviðum hefur aukningin í framleiðni verið lítil ásamt miklu álagi á umhverfið:
útgufun kolefna eykst áfram, jarðefnaeldsneyti er enn ráðandi í nýtingu orkulinda
og hagnast iðulega á stuðningi stjórnvalda; notkun auðlinda til að efla hagvöxt er
enn á háu stigi og mörgum verðmætum efnum er áfram fargað sem úrgangi.
Hefur tekist að viðhalda náttúrlegum auðlindagrunni hagkerfanna?
Tiltækar upplýsingar til að meta náttúrlegar auðlindir eru ófullkomnar og af mismunandi
gæðum. Framfarir hafa orðið í tengslum við stjórn á endurnýjanlegum náttúruauðlindum
með tilliti til magns. Framleiðsla fiskafurða úr sjávarfangi hefur orðið stöðugri;
nýting skógarafurða í hagnaðarskyni virðist sjálfbær og öflun endurnýjanlegra ferskvatnsbirgða
er stöðug þrátt fyrir aukna eftirspurn.
Þó er heildarálag á náttúruauðlindir áfram hátt og mikil verkefni eru enn til staðar
hvað varðar gæði náttúruauðlinda, þjónustu þeirra í vistkerfinu og samræmda stjórn
þeirra. Svæði með líffræðilega fjölbreytni dragast saman og mörg vistkerfi eru að
verða hrörnun að bráð. Hættur gagnvart líffræðilegri fjölbreytni eru miklar í þéttbýlustu
löndunum og þar sem breytingar í landnotkun og þróun í innviðum hafa leitt af sér
aukna uppskiptingu náttúrlegra búsvæða. Margar tegundir dýra og jurta eru í hættu,
einn þriðji hluti af fiskistofnum heimsins er ofnýttur og skóglendi er víða ógnað
af hrörnun, uppskiptingu og breytingu í aðrar gerðir lands. Álag á vatnsbirgðir er
áfram mjög mikið; í sumum tilfellum getur staðbundinn vatnsskortur hamlað efnahagslegri
starfsemi.
Hafa menn ávinning af endurbótum á umhverfisþáttum?
Flestir í OECD‑ríkjum munu hafa ávinning af endurbótum á hreinlæti; næstum 80% munu
hafa ávinning af skólphreinsun. Váhrif á menn vegna loftmengunar frá brennisteinsvetni
og svifögnum fara minnkandi. Um leið halda ósón við jörð, nituroxíð og mjög örfínar
svifagnir áfram að hafa áhrif á heilsu manna. Áætlanir á kostnaði vegna loftmengunar
í OECD‑ríkjum benda til að ábati af því að draga enn meira úr mengun gæti verið umtalsverður.
Einnig er áfram við vandamál að etja við endurbætur á vatnsveitu‑ og skólpveitukerfum
sem eldast og við aðgang að afkastamikilli skólphreinsun í litlum og einangruðum byggðum.
Skapar vistvæn þróun efnahagsleg tækifæri?
Efling á sér stað í tilraunum landa til að innleiða stefnu varðandi vistvæna þróun
með því að styðja við nýja tækni og nýsköpun og í notkun efnahagslegra úrræða. Á hinn
bóginn eru takmarkaðar upplýsingar fáanlegar um efnahagsleg tækifæri á sviði starfa
og samkeppnisfærni sem eru afleiðingar af stefnumótun í vistvænni þróun. Erfitt er
að höndla síbreytilegar hliðar vistvænnar þróunar tölfræðilega og margar tilraunir
til mælinga hafa beinst að "vistvænni starfsemi" frekar en að "vistvænni umbreytingu"
hagkerfisins og hnattværum aðfangakerfum.
Þær atvinnugreinar sem skapa umhverfisvænar afurðir og þjónustu eiga vaxandi (en þó
fremur lítinn) hlut að hagkerfinu. Fjárframlög hins opinbera til rannsókna og þróunar
sem beinast að hagkvæmni á sviði umhverfis og orkumála hafa aukist og sama má segja
um "vistvæn" einkaleyfi. Notkun umhverfistengdar skattlagningar er að aukast en er
enn takmörkuð í samanburði við vinnutengda skatta. Sá hlutur stuðnings við bændur
sem leggur mest álag á umhverfið hefur dregist saman en sá hlutur sem tekur til umhverfiskrafna
hefur aukist.
Aukning hefur orðið í alþjóðlegu flæði fjármagns sem eflir vistvæna þróun. Meðan kolefnismarkaðir
drógust saman vegna fjármálakreppunnar og minnkaðrar iðnframleiðslu komu ný tækifæri
fram á sjónarsviðið á sviði hreinnar orku þar sem alþjóðlegar fjárfestingar hafa farið
fram úr fjárfestingum í jarðefnaorku. Ný tækifæri hafa einnig komið fram með því að
fjármálastofnanir hafa gefið út vistvæn skuldabréf og útflutningslánastofnanir auðvelda
fjárfestingu einkaaðila í verkefnum sem gangast undi mat á umhverfisáhrifum. Þróunaraðstoð
vegna umhverfismála hefur aukist áfram og aðstoð fyrir endurnýtanlega orku hefur farið
fram úr aðstoð við óendurnýtanlega.
Þó á sér stað mikil þróun á jaðarsvæðum og stefnumótun skortir iðulega samhengi sem
grefur undan breytingunni yfir í vistvæna þróun. Ýmis lönd halda áfram að styðja við
vinnslu jarðefnaeldsneytis og neyslu þess á margan hátt. Allar breytingar í orkusköttum,
lágt skatthlutfall á eldsneyti með umtalsverð umhverfisáhrif og undantekningar vegna
eldsneytis sem er notað í sumum atvinnugeirum standa í vegi fyrir breytingu yfir í
lágkolefnahagkerfi. Umbætur á þeim gefa löndum kost á mikilsverðum tækifærum til að
afla aukinna skatttekna en að ná samt umhverfismarkmiðum á hagkvæmari hátt.
Hafið samband við Réttinda- og þýðingareiningu OECD, framkvæmdanefnd fjölmiðlunar
og almannamálefna ef frekari upplýsinga er
þörf hjá: [email protected] eða með faxi: +33 (0)1 45 24 99 30.
OECD Rights and Translation unit (PAC) 2 rue André-Pascal, 75116 Paris, France